Nilinaw ni Special Envoy of the President to the People’s Republic of China for Trade, Investment and Tourism na si Benito Techico na walang koneksyon si Pangulong Bongbong Marcos at si Cassandra Li Ong.
Ito’y kasunod ng inilabas na larawan ni Atty. Ferdinand Topacio nina Pangulong Marcos, First Lady Liza Araneta-Marcos, kasama sina Cassandra Li Ong, at sinasabing may-ari ng POGO sa Porac, Pampanga.
Sa ipinatawag na press conference kagabi ni Techico, sinabi nitong totoo ang picture na kinunan noon pang November 2020 pero hindi ang kwento na ikinakabit ng kampo ni Topacio sa larawan.
Nakiusap lang daw sa kanila noon ang may ari ng restaurant para maki-picture kina Pangulong Marcos ang grupo ng mga Chinese.
Bagay na pinagbigyan naman daw ng Pangulo.
Sa katunayan nalaman na lang daw ni Techico na si Cassandra Li Ong ang isa sa mga nagpapicture matapos ilabas ni Topacio ang larawan.
