Walang kinalaman ang Palasyo sa operasyon laban kay Apollo Quiboloy.
Ito ang idiniin ni Interior Sec. Benhur Abalos Jr., sa nagpapatuloy na pagsisilbi ng alias warrant of arrest kay Quiboloy sa compound Kingdom of Jesus Christ compound sa Davao City.
Sabi ni Abalos, “purely” police operation ito at walang kinalaman ang sinuman dito.
Ibinibigay niya rin ang buong “autonomy” sa PNP sa operasyon.
Ang operasyong isinasagawa ay base na rin aniya sa compiled intelligence report na natanggap ng pulisya na nasa loob lamang ng compound si Quiboloy at apat pang kapwa akusado nito.
