Sangka patay nga eawas it eaeaki ro nasapwan kaina it hapon sa kilid it karsada sa may diversion road sa banwa it Makato.
Sa inisyal nga imbestigasyun nga nabuoe it Brigada News FM Kalibo, ginkilaea ro biktima nga si certain Joshua Franz Del Carmen Gaviola nga taga Brgy. Ambolong, Batan, Aklan.
Raya hay base sa nabuoe nga driver’s license sa bag sa biktima.
May nabuoe pa gid sa bag nga singsing ag kwarta, samtang ro biktima hay nakasuksok it jersey no. 12 nga kulay violet.
Sa makarun hay padayun pa ro imbestigasyun it mga otoridad sa insidente ag kung ano ro rasun it pagkamatay it biktima.
Nauna eon nga ginapatihan nga posibleng naaksidente ro biktima ag nahueog raya sa kilid it karsada nga may madaeom nga tubi.
Samtang, nahaw-as man halin sa tubi ro motorsiklo it biktima. // ANN DESLENE SALAZAR
