Patay ang dalawang batang lalaki habang kritikal ang kondisyon ng lima pang indibidwal matapos kainin ang nakuhang botete o pufferfish.
Nangyari ito sa Barangay Balas, Lamitan City, Basilan Lunes ng gabi
Sa ulat, pinagsaluhan ng pamilyang Uwing ang piniritong botete o butingga kung tawagin sa kanilang lugar.
Ayon sa barangay, Bigla na lamang nagsusuka at nanginginig ang mga bata na tuluyang binawian ng buhay nitong Martes.
Ang ibang myembro ng pamilya naman ay agad isinugod sa ospital na patuloy ngayong inoobserbahan.
Ang butete ay naglalaman ng nakakalasong kemikal na maaaring magdulot ng pagkaparalisa, Hindi ito karaniwang kinakain dahil sa panganib na dulot.
