LEGAZPI CITY – Dakop an sarong parasisira sa sa isinagibong drug buy-bust operation sa Purok 1, Barangay Kimantong, Daraga Albay.
Segun sa report, pinabakalan kan suspek na si ni Bernil Barcelona, 38 anyos, residente kan Purok 3, Barangay 27, Victory Village, Legazpi City an poseur buyer nin sarong sachet nin pigtutubudang shabu sa kantidad na P2,000.
Narekober pa sa suspek an sa nasambit na suspek an tulong pidasong pigtutubudang shabu, buy-bust money asin non-drug items.
Mientrastanto, napag-araman na dati na palan nakulong an suspek sa kasong Robbery kan 2017, asin kasong may kinaraman sa iligal na droga kan 2020.
Apwera digdi, inako man kan suspek na sa Barangay Sabang an pinagkukuhaan niya ki droga.
Sa ngunyan, nasa kustodiya na ini kan Daraga Municipal Police Station para sa magkakanigong disposisyon.
