Hindi kumbinsido ang Presidential Anti-Organized Crime Commission na may banta sa buhay ni dismissed Bamban Tarlac Mayor Alice Guo.
Ayon kay PAOCC Usec. Gilbert Cruz, hindi niya maisip kung sino ang nagbabanta sa buhay ni Guo kung hindi naman niya inilaglag ang pangalan ng kaniyang kasamahang sindikato.
Mababatid na humingi ng tulong ang dating alkalde kay DILG Sec. Benhur Abalos Jr. dahil mayroon umano siyang death threat.
Giit ng PAOCC namuhay ang pamilyang Guo na puro kasinungalingan kayat hindi na be-benta ang mga dahilan at palusot ng pinalsik na alkalde.
Una nang sinabi ng legal counsel ni Guo na si Atty. Stephen David na may banta umano sa buhay ng dating alkalde dahilan kung bakit hindi siya sumuko sa mga otoridad.
