Iginiit ni former presidential legal counsel Salvador Panelo na ila hindi inaalam ng mga tumutuligsa sa ‘gentleman’s agreement’ kung tunay ba ang naturang kasunduan.
Sa panayam ng Brigada News FM kay Panelo, sinabi nitong hindi man lang din yata muna nakakausap ng ilang mambabatas ang pinaka-source ng impormasyon tungkol sa sinasabing ‘gentleman’s agreement.’
Sa harap ng posibleng imbestigasyon ng mga Senado sa naturang kasunduan, binigyang-diin ng opisyal na hindi rin naman sigurado ang mga mambabatas na gustong sumilip dito.
Lagi daw kasing may ginagamit na salita ang ilang Senador na ‘kung totoo ito’ – patunay na hindi sila 100% sure sa kanilang mga hinuha.
Sa huli, naging matibay si Panelo na walang nangyaring ‘gentleman’s agreement’ sa pagitan ni dating Pangulong Rodrigo Duterte at ng China.
