NAGMABUNGAHON ang panaghimamat ni Brigada Elmer V.Catulpos ug Mayor-elect Lorelie Pacquiao niadtong Miyerkules, Hunyo 1.
Kini ang gikabutyag ni Kagawad Franklin Gacal Jr. nga gipasalamatan sa mayor-elect ang pagdawat sa imbitasyon ni Catulpos asa pulos mga kaayohan sa syudad ang gihisgutan.
Gani, nakamatikod pa si Gacal nga murag wala lang nahitabo nga eleksyon ug murag dugay na nga mag-amigohay si Lorelie ug Catulpos.
Wala usay awkward moments ug pagsinudyaay ug pulos good vibes ang nagpatigbabaw.
Gipadayag usab ni Brigada Elmer ang willingness sa pagtabang sa bag-ong liderato sa tumong nga mahatag ang kaayohan sa syudad ug katawhan.
Gibutyag usab ni Gacal nga gihisgutan ang sogyot ni Catulpos nga pagpalambo sa turismo sa GenSan nga usa sa makatabang alang sa kalambuan sa dakbayan, mao nga gikuha ang rekomendasyon niini alang sa muhupot isip labaw sa tourism council.
Lakip usab sa gisogyot ang mga proyekto ug mga programa sa gobyerno nga suportahan sa mga pribadong sector o ang gitawag nga public and private partnership.
