GIANGKON ni Kagawad Franklin Gacal Jr. nga nakig-reach out si Mayor-elect Lorelie Pacquiao sa mga nakaatbang sa miaging eleksyon.
Gibutyag usab ni Gacal nga human maimbitahan si Brigada Elmer V.Catulpos, asa gihulagway niining mabungahon ug gituki ang mga kaayohan alang sa syudad, gikatakda usab nga imbitahan alang sa paghimamat ang uban pang mga pulitiko, sama sa partido sa RCRI.
Segun ni Gacal nga usa usab si Brigada Elmer nga imbitado sa pagpanumpa ni Mayor-elect Lorelie Pacquiao.
Sama usab sa gihimo ni Pacquiao sa paghimamat kang Catulpos, mao usab daw ang himuon ngadto sa mga nakaatbang sa milabayng eleksyon.
Gani giangkon pa ni Gacal nga sa bahin ni Brigada Elmer nga murag walay eleksyon nga nahitabo ug hugot niya kining gipasalamatan ug gi-congratulate.
Ang himamaton pa sa bag-ong elect nga mayor mao silang outgoing mayor Ronnel Rivera ug si Cong.Shirlyn Bañas Nograles, nga nagpapili usab sa pagkamayor miaging eleksyon.
