Mahigpit ngayon nakikipagtulungan ang pamahlaan sa Israeli Defense Forces upang mahanap ang 2 nawawalang Pinoy sa Israel.
Sa Saturday News Forum , sinabi ni Department of Migrant Workers officer-in-charge Hans Leo Cacdac , na humigit-kumulang 770 pamilya sa bansa ang humingi ng tulong upang mahanap ang kanilang mga mahal sa buhay.
Sa nasabing bilang, 768 ang accounted for ngunit hindi pa malaman ang status ng kinaroroonan ng natitirang dalawang Pilipino.
Nakikipag-ugnayan na rin aniya sila sa mga pamilya ng mga nawawalang Pinoy.
Batay sa ulat, posible umanong kinidnap ang dalawang nawawalang Pinoy ng Palestinian militant group na Hamas.
