Ginsapinal eun bilang laye ni dating Pangulong Rodrigo Duterte ku Hunyo 29 ro resulusyon nga magtukod it Aklan Geriatric Medical Center.
Ro Republic Act No. 11892 hay tuyo nga nga makahimo it special healthcare facility sa probinsiya it Aklan para sa mga senior citizen.
Ro Aklan Geriatric Medical Center hay tuyo nga mag-operate ag mag-administer it mga serbisyo nga naka-specialize sa geriatrics medicine, magsulong it medikal ag siyentipiko nga pag-istudyo nga may kaangtanan sa pagbueong, pag-alaga, diagnostic ag rehabilitasyon it sakit it mga magueang.
Tuyo man kara nga mag-adopt it mga programa sa geriatric medicine para sa edukasyon ag pagsasanay it mga healthcare workers.
Ro pasilidad hay sa idaeom it direktang pagpamuno ag kontrol it lokal nga gobyerno sa Aklan./JIL B. LACSON
