Ginkumpirma it Iloilo Provincial Health Office (IPHO ) nga nagataas ro pang-adlaw-adlaw nga kaso it COVID-19 sa probinsiya.
Halin Hunyo 12 hasta Hunyo 25, 2022, ro daily COVID-19 cases hay nagaabot sa 11.9% o katumbas it 167 kaso sa sueod eamang it daywa ka dominggo.
Mas mataas raya sa 2.5 nga daily average rate halin Mayo 29 hasta Hunyo 11 nga may kabieogan nga 35 kaso eamang.
Bangud dikara, umapela ro mga likal nga gobyerno sa mga uwa pa nabukanahan nga mga indibidwal nga magpabakuna eun kuntra sa coronavirus.
Sa presente, may 329 aktibo nga kaso it COVID-19 ro Iloilo./JIL B. LACSON
