Nagpadayon ang pagplastar sa Davao City COVID-19 Task Force (TF) inabagan sa Sports Division aron tun-an kung angay na bang tugutan ang contact sports sa Dakbayan sa Davao.
Una ng gibutyag sa Davao City Sports Division, nga hangtod karon nagpadayon ang pagplastar sa mechanism ug general guidelines alang sa contact sports ilabi na nga nagpadayon pa gihapon ang bahad sa Covid-19.
Gawas niini, aduna matud pay mga protocols ang kinahanglang ikonsidera nga dili pwedeng iapply sa contact sports hinungdan nga sa karon hugtanon pa gihapon kining gidili sa syudad.
Nagalaom sab ang LGU Davao nga mahuman na gilayon ang pagtuon kalabot niini sanglit dili pa sab sila magkumpyansa karong panahona samtang mitambag ang LGU Davao nga dili usa magpahigayon og contact sports tungod nga posibleng makahatag kini og risgo sa kalawasan gumikan nga usa kini nga tinubdan sa maong virus.
