Dead on the spot ang usa ka motor rider human nga nakasugamak og duguong disgrasya tali sa usa ka 10-wheeler truck sa highway sa Tuburan, Mawab Davao de Oro kagahapon adlawng Domingo.
Sa pagkighinabi sa Brigada News Fm Davao kang PMSgt Silvestre Canete, traffic invistigator sa Mawab Police Station, naglawig padulong sa Tagum City ang 10-wheeler truck samtang ang motorsiklo padulong sa pikas dereksyon sa dulhugon nga bahin sa maong lugar.
Dugang sa imbistigador nga na-overshoot sa pikas linya ang rider nga si Karl Patrick Trangia, 18-anyos, ulitawo nga residente sa Pantukan Davao de Oro.
Naderetso ang big bike ni Trangia sa ligid sa kasugat nga 10-wheeler truck nga gimaneho ni Ariel Belmonte, 46-anyos nga taga San Vicente, Ba-ao Camarines Sur.
Tungod sa kakusog sa impact nasinsilyo ang motorsiklo sa biktima ug nakahiagom kini og daghang mga bali sa lawas ug samad sa ulo.
Gideklara nga patay ang biktima sa miresponding mga sakop sa MDRRMO Mawab tungod sa grabeng mga samad ug bali nga iyang naangkon.
Ang drayber nga si Belmonte ug ang 10-wheeler trucl gikustudiya na sa Mawab PNP samtang gipaabot ang desisyon sa kumpanya nga iyang gitrabahoan alang sa ilang tulubagon. BNFM-DAVAO
