BNFM BICOL – MULING binigyang-diin ng National Meat Inspection Services o NMIS-Bicol ang kahalagahan ng pagtitiyak na dumaan sa tamang proseso ang mga karneng ibinebenta sa mga merkado publiko.
Ayon kay Dr. Dr. Alex Templonuevo, Regional Director ng NMIS-Bicol, bukod sa nutrisyon taglay, dapat din umanong tingnan kung dumaan ang ikokonsumong karne sa masusuing pagsusuri at inspeksyon.
Mahalaga umano ang pag eksamin sa hayop bago katayin o ante mortem inspection at pagkatapos makatay ay isasailalim sa post mortem kung saan susuriin ang kalidad ng karne pati na ang estado ng mga lamang-loob nito.
Bahagi umano ito ng good manufacturing practices na kailangang sundin ng lahat ng mga accredited Double A Slaughterhouses, poultry dressing plants at mga meat cold storage facilities. ###
