DAKO ang tyansa nga dili matakdan sa Covid-19 ang usa ka indibidwal kung nakadawat na kini sa una ug ikaduhang dose sa bakuna, kini ang gibutyag ni Dr. Fidel Peñamante Presidente sa PMA-Gensan chapter.
Kasagaran sa mga tawo ang nakasinati lang matud pa og mild syptoms ug walay pagluya nga nasinatian sa lawas, ug mipailawom lang kini sa home quarantine sulod sa lima hantod pulo kaadlaw, tungod kini sa tabang sa bakuna nga nadawat sa lawas lakip ang pagpa-booster shot batok sa Covid-19.
Nakita ni Dr. Peñamante nga tungod sa nagapabakuna gikan sa mga bata hantod senior citizen adunay pag-ubos sa kaso sa Covid-19 sa syudad, dili sama sa milabay nga tuig nga daghan ang namatay ug natakbuyan sa sakit tungod walay bakuna nga depensa sa lawas.
Gipanghinaot niini nga magpadayon ang ubos nga cases sa virus, aron mapa-luagan na usab ang alert level status sa Gensan aron mabalik na ang dagan sa ekonomiya ug molambo ang panginabuhian sa mga tawo. I Enamie Mogpon
