GIPAHINUMDOMAN sa Commission on Election (Comelec) 12 sa mga kandidato ug supporters nga ibutang sa common posters area ang campaign posters. Butyag ni Atty. Jose Villanueva, Assistant regional director sa Comelec-12 nga angayang sundon sa tanan ang simple nga patakaran.
Kini human nakita sumala pa sa mga opisyal sa komisyon nga bisan asa na lang nakabutang ang campiang posters sa pipila ka kandidato. Nasayran nga adunay kapin sa 60 ka mga designated common designated area sa dakbayan nga gikatakda ang Comelec.
Sa karon ang mga national candidates pa lang susama sa pangulo, bise presidente, senador og partylist ang pwede na nga makabutang og poster.
Sa Marso 25 pa magsugod ang campaign period sa mga lokal nga kandidato. Una nang, gianunsiyo sa Comelec sa rehiyon ang pagpahigayon nila og ‘Oplan baklas’ batok illegal campaign materials. Ang Operation Baklas ang ginahigayon sulod sa 7-km. radius sa usa ka siyudad. I Richel Gubalani
