Sambilog ka miyembro it Armed Forces Geograpical Unit (CAFGU) ro ginpatay it New People’s Army (NPA) sa Barangay Igbucagay, Hamtic, Antique ku Biyernes it nagtaliwan nga dominggo, Setyembre 24.
Si Michael Mariano, 20 anyos, taga- Barangay Osorio hay nagapaligo bandang alas 7 it kaaganhon kaibahan ro mga amigo kat ginbaril sanda it lima ka rebelde nga mga indibidwal.
Base sa nanay ni Michael nga si Herminia, ro anang unga hay breadwinner it pamilya, nag-intra raya sa CAA ku nagtaliwan nga dag-on agud makabulig nga mapadayon ro kahilwayan sa probinsiya ag suportahan ro pamilya matapos mamatay ro andang tatay.
Nakabaton it P20,000 halin sa Provincial Social Welfare and Development Office ro pamilya it namatay nga CAFGU member.
Pagataw-an man sanda it mga sako it bugas ag iban pang mga pagkaon bilang pauna nga bulig halin sa lokal nga gobyerno.
Ro lokal nga gobyerno man ag Philippine Army ro masabat it mga gastos sa pag-paeubong kay Mariano./JIL B. LACSON
