Suportado ng OCTA Reseach Group ang pagpayag ng IATF na payagan nang makalabas ng bahay ang mga batang edad 5 pataas.
Sinabi ni OCTA Fellow Dr. Guido David na ito ay dahil open space naman daw ang mga lugar na ipinapahintulot na maaari nang puntahan ng mga bata kasama ng mga magulang.
Hindi naman inaalis ni David ang posibilidad na may mga batang mahahawa ng COVID-19 pero mababa lamang ang tsansa.
Samantala, umaasa si David na maaabot na ang 20% na fully vaccinated sa National Capital Region pagdating ng Agosto.
Kinumpirma din ni David na improving ang COVID-19 response ng bansa kung saan bahagyang bumaba ang trend ng infections.
Giit pa ni David, wala pa silang nakikitang community transmission ng Delta variant sa bansa na sinasabing mas nakakahawa kaysa sa mga naunang variant.
