GIKONDENA sa opisyal sa General Santos City ang pagpangatake nga gikamatay sa kanhi opisyal sa barangay.
Matud ni konsehal Jose Edmar Yumang, chairperson sa komitiba sa Peace and Order sa Sangguniang Panlungsod (SP), dili angayang igo ra nga makonsidera ang panghitabo isip dugang sa statistics sa gipusil-patay.
Plano sa konsehal nga magpasar og resolusyon nga nagkondena ug magmandu sa kapulisan sa pagpaspas nga imbestigasyon.
Kalabut sa pagpusil patay kang Roger ‘Jing’ Jayoma, 63-anyos, minyo, taga Purok 20, block1, Barangay Fatima. Sa mensahe nga gipadala ni Police Col. Alexis Jomar Yap, city director sa General Santos City Police Office (GSCPO) padayon ang imbestigasyon aron mahatag ang hustisya sa pamilyang Jayoma. Si Jayoma ang sakay sa motorsiklo gikan naghatud sa iyang apo apan pag-abot sa Purok 5 sa maong barangay.
Kini ang gipusil sa riding in tandem criminals ug gilayong misibat human sa paghimo sa krimen. Si Jayoma na ang ikaduhang biktima sa pagpamusil-patay sa gensan karong bulana. I Richel Gubalani
