Inamin ng Overseas Workers Welfare Administration (OWWA ) na posibleng matagalan pa ang repatriation o ang pagpapauwi sa mga labi ng tatlong Overseas Filipino Workers (OFW) na nasawi sa gitna ng giyera sa Israel.
Ayon kay OWWA Administrator Arnel Ignacio, naghahanap pa ang ahensya ng mga hakbang upang mapabilis ang pagpapauwi sa mga katawan ng mga biktima sa lalong madaling panahon.
Punto ni Ignacio, isang linggo lamang ang aabutin ng repatriation kung walang kaguluhan sa Israel.
Mababatid na kabilang sa mga nasawi ay ang mga healthcare wokers na sina Loreta Alacre, Paul Vincent Castelvi at maging si Angeline Aguirre.
Samantala, nagpaabot na rin ng pakikiramay ang Israel sa mga kaanak ng tatlong biktima.
