LEGAZPI CITY – Hindi umano makatarungan ayon sa isang LGBTQ Advocate sa Albay na si Georgia Lotivio ang pagpapatayo ni Jude Bacalso, LGBTQ member, sa isang waiter sa restaurant ng dalawang oras makaraan umanong tawagin siya nitong “sir”.
Sa panayam ng Brigada News FM Legazpi kay Lotivio, pwede naman sanang sabihan na lamang ang waiter ukol sa tamang pag-address o pagtawag sa tulad nitong LGBTQ member lalo na kung ito’y naka-cross dress upang maging aware ang ibang tao, at gayundin, hindi mawala ang respeto.
Samantala, kung matatandaan ay nagbigay na ng apology si Bacalso na ayon kay Lotivio, tama lang dahil mali ang ginawa nito sa nasabing waiter.
