Pilason ang driver lakip man ang mga pasahero kang sangka tricycle matapos dya nga mabunggoan kang isara naman ka van sa bahin kang Brgy. Lapaz, Tibiao, takna las-8:50 sa aga kang tinalikdan nga Hulyo 23.
Ginkilala ang driver kang tricycle kay Armando Jurilla, 61-anyos nga lalaki, kasado, driver kag residente kang Brgy. Importante, Tibiao samtang ang mga pasahero naman kadya amo sanday Winnie Maquiling, 42-anyos nga lalaki, kasado, mangunguma kag si Jennyvelle Anus,26-anyos nga babayi, single, wara kang obra kag lunsay mga residente kang Brgy. Pitac, Tibiao.
Ang driver naman kang van ang ginkilala kay Nicolas Cosme, 59-anyos, kasado, driver/line-man (ANTECO) kag residente kang Brgy. Martinez, Tibiao.
Sa imbestigasyon kang kapulisan, samtang nagabyahe ang tricycle nga ginamaneho ni Jurilla paagto kun daad sa banwa kang Culasi, kang nag U-turn dya sa bahin kang Brgy Lapaz, Tibiao hinali lang nga mabunggoan kang nagasunod nga van nga ginamaneho naman ni Cosme.
Gilayon nga gindara ang pilason nga mga persona sa Culasi District Hospital samtang gindara naman sa Tibiao MPS ang driver kang van para sa nagakaigo nga tikang.
