Binigyang-diin ni Senador Christopher “Bong” Go na makatutulong sa pagkakaroon ng inklusibong bansa at pagpapanatili ng kapayaan ang pagsasaayos sa mga programang nakapokus sa mga rebel returnees.
Ayon kay Go, kung mapapalakas ng gobyerno ang National Task Force to End Local Communist Armed Conflict (NTF-ELCAC) ay malaki ang tyansa na mas magkakaroon ng mga developments sa mga bundok.
Sa pamamagitan nito, ayon kay Go, mas maeenganyo ang mga barangay sa bundok na sumuporta sa gobyerno.
Maliban pa roon, mas maipapaliwanag din umano sa mga nagiging rebelde sa bundok na mas magandang mamuhay dito sa bayan.
Kaugnay nito, patuloy na itinutulak ni Go ang pagsuporta sa pagpapalakas sa NTF-ELCAC lalo na sa Balik-Loob Program nito sa mga rebel returnees.
