Nagpapatuloy ang implementasyon ng Kadiwa Program sa buong bansa.
Ayon kay Dept. of Agriculture Asec. Arnel De Mesa, patuloy ang paglarga ng naturang programa ngayong taon.
Dagdag pa nito, inaasahan nilang mas dadami pa ang mga Kadiwa stores, kasabay ng pakikipag-ugnayan nila sa mga simbahan, at iba pang organisasyon.
Binigyang-diin din ni De Mesa na una nang ipinag-utos ni Pangulong Bongbong Marcos ang pagkakaroon ng coordination sa provincial governments na dapat bawat probinsya ay matatayuan ng Kadiwa.
Samantala, pagdating naman sa bentahan ng bigas, sinabi ng opisyal na nakikita nilang mas magiging mas mababa na ito kaysa sa tradisyonal na market dahil direkta na itong nakukuha sa mga farmer cooperatives.
