GIHANGYO sa mayor sa National Inter- Agency Task Force on Covid-19 (IATF) ang pagpailawom sa GenSan sa general community quarantine (GCQ) “with heightened restrictions”. Ang hangyo ni Mayor Ronnel Rivera nga quarantine classification ang gikan Hulyo 01 hangtud 15, 2021.
Gipadala na sa LGU ngadto sa NIATF ang sulat hangyo atong Biyernes apan hangtud karon wala pa nakadawat og tuba gang siyudad. Kini na ang ikaduhang higayon nga gipailawom ang GCQ apan unang higayon sa ilawom sa “heightened restrictions”.
Ilawom sa GCQ with heightened restrictions, gibawal ang indoors gym sa pag-operate. Apan gitugotan ang mga establishments sama sa personal care services, restaurants ug outdoor tourism nga mo-accommodate og gamay ihap sa ‘guest’ tandi sa ordinary nga GCQ.
Migula ang impormasyon atol sa local Inter- Agency Task Force on Covid-19 meeting, Lunes sa hapon. Asa gipresenta sa mga doktor sa dakbayan ang Covid-19 situation sa GenSan. Sa GenSan, Mayo pa dihang gisugdan ang pagpatuman sa Sunday lockdowns ug liquor ban. ( Richel Gubalani)
