WALA pa gihapon na-release ang social pension sa mga senior citizens sa GenSan.
Kini ang gibutyag ni Celso Mendoza, ang labaw sa Office of the Senior Citizens Affairs o OSCA-GenSan, luyo nga andam na ang kwarta apan tungod naabtan sa GCQ mao nga nag-agad pa sila sa local IATF.
Giangkon usab ni Mendoza nga misulat sila sa IATF aron hangyuon nga tugutan na sila nga ma-release ang maong social pension.
Gihimong rason niini ang kamahinungdanon sa maong kwarta aron nga may magamit ang mga senior citizens sa ilang maintenance sa ilang sakit ug ubang panginahanglanon.
Samtang gibutyag ni Mendoza nga ubay ubay na usab sa mga senior citizens ang nabakunahan batok COVID-19 sa GenSan apan may uban gihapon nagdumili magpabakuna tungod sa kahadlok. Hinuon gibutyag niini nga dakong porsiento ang nagapabakuna na sa ilang grupo hinungdan padayung gaawhag nga magpabakuna tungod kini lang ang bugtong solusyon batok COVID-19.
