NAGA CITY- Regular Holiday kahapon Nov. 27, 2023 sa bisa ng Proclamation No. 90 ni Pangulong Bongbong Marcos , para gunitain ang kapanganakan ng bayaning si Andress Bonifacio pati ang pag-alala sa buhay at sakripisyo nito para sa bayan.
Orihinal itong ginugunita tuwing November 30 ngunit inilipat ito sa araw ng Lunes upang idikit sa mga araw ng Sabado at Linggo o long weekend.
Sinabi sa Brigada News FM Naga ni Ateneo Social Sciences Department Chairperson Professor Leo Paulo Imperial ang economic holiday ang rason subalit malaki aniya ang impact nito sa mga Filipino lalo na sa mga kabataan o mga mag-aaral. Maaari aniya itong magdala ng kalituhan at mawala ang tunay na kahulugan ng okasyon.
