Kumpleto nga dokumento aron paspas ang prosesyo sa petisyon, kini ang tambag sa Land Transportation Franchising and Regulatory Board (LTFRB) Davao alang sa mga grupo nga mohikay og petisyon sa umento sa pamasahe sa rehiyon.
Apan sumala kang LTFRB Davao regional director Nonito Llanos III nga wala pay nadawat nga petisyon ang ahensya alang sa dugang pasahe sa rehiyon taliwala sa sunod-sunod nga oil price hike.
Dugang sa opisyal nga gipangandaman na sa buhatan ang posibilidad sa mga grupo gikan sa transport sector sa rehiyon nga mohikay sa ilang petisyon.
Busa awhag ni Llano sa mamahimong mga petitioners nga plastaron una og tarong ang mga dokumento ug makapahigayon gilayon og hearing ang ahensya aron paspas ang pagsibog sa hangyo.
Gawas sa transport sector hangyuon usab ang posisyon gikan sa mga commuters kalabot niini.BNFM
