Tutol si Pangulong Bongbong Marcos na maglagay ng water cannon sa mga barko ng Pilipinas.
Sa ambush interview sa PICC, nanindigan ang Pangulo na walang intensyon ang bansa na mang-atake ng kahit sino gamit ang water cannon.
Ayaw din nitong tumaas pa ang tension sa West Philippine Sea.
Hindi rin daw misyon ng Philippine Navy at Coast Guard na magsimula o pataasin pa ang tension sa WPS, bagkus ang kanilang misyon anya ay kabaligtaran nito.
Kaya anya kapag nagkakaroon ng panibagong harassment ang China, dinadaan ng Pilipinas sa mapayapang paraan ang pag kondena, tulad ng pagpapadala ng de marche, at diplomatic protest.
