Hindi inasahan ng Commission on Election ang pagbuhos ng mga naghain ng certificate of candidacy ng mga aspiring candidates sa bansa para sa nalalapit na Barangay and Sangguniang Kabataan Elections.
Ayon kay Comelec Chairman George Garcia, patunay lamang aniya nito na pinagkakatiwalaan pa rin ang proseso , sistema ng poll body at interesado pa rin ang mga kandidato na i-alay ang kanilang sarili sa kanilang mga nasasakupang bgy.
Samantala, iniulat din ni Garcia na isang kakandidato sana sa SK sa Metro Manila ang hindi tinanggap ang kanyang COC.
Ito’y makaraang mapag-alaman na overaged ito.
Matagal na aniyang ipinanawagan ng poll body na huwag ng mag file ng COC kung sobra na sa edad na 24 sa araw ng eleksyon sa October 30.
Ang mga mappaatunayang nandaya ay masasampahan ng kasong Falscification.
