Gipangandaman na karon sa lokal nga panggamhanan ang opisyal nga pagsugod sa pagbakuna sa mga menor de edad nga nahilakip sa Priority A3.
Saysay ni Davao City Mayor Sara Duterte-Carpio, sundon sa City LGU ang unsa mang ipagawas nga guidelines sa Department of Health.
Sa pikas bahin, gilakip na usab sa mobile vaccination ang immediate family members sa mga overseas Filipino workers nga nagpuyo dinhi sa Davao City.
Gikumpirma sa Mayor nga gipalapdan pa sa Covid-19 vaccination express lane dinha sa Matina Town Square (MTS) Compound, Matina ang pag-cater alang sa mga kabanay sa OFW’s.
Giawhag ang mga vaccinees kinahanglan lamang magdala og pamatood nga sila immediate family member sa OFW, nga gailangkuban sa OFW’s seaman’s book, Overseas Employment Certificate (OEC), ug ubang pertinenteng dokumento.
Kinahanglan una nga mag fill out og form nga makuha sa website nga gihatag sa PESO sa land-based ug sea-based OFWs .
