NAGPAHIGAYUN na og ocular inspection si Glan Mayor Dr. Vivien Yap sa Brgy. Taluya nga gibahaan.
Matud ni Yap nga tungod sa kagamay sa culvert ug natabunan na kini hinungdan sa pagbaha.
Sa nakita sa social media halos katunga sa balay ang gilunupan ug tungod walay drainage canal nga gapagawas sa lugar.
Segun niini siya na lang nangunay sa pag-ocular inspection tungod wala nagpakabana ang ilang kapitan sa lugar.
Sugod sa Lunes, magpahigayon og declogging sa Brgy. Poblacion aron muhubas ang baha nga dala matud usab sa climate change. Nasayran nga gitapok gilayun ni Dr. Yap ang sakop sama sa engineers aron nga masulosyunan ang maong pagbaha.
