Progressing ang naging pag-uusap ng Pilipinas at Japan para sa reciprocal access agreement sa pagitan ng dalawang bansa, ayon kay Foreign Affairs Secretary Enrique Manalo.
Saad rin nitong posibleng magkaroon ng kasunduan ang Pilipinas sa France dahil naglalayon ang bansa na palakasin ang ugnayan ng depensa sa mga kaalyado nito, sa gitna ng mga alalahanin sa pabagu-bagong sitwasyon sa South China Sea.
Bagama’t wala pang binabalangkas na draft sa iminungkahing kasunduan sa pag-access ng militar sa France, sinabi ni Manalo na tiyak na napag-usapan na ang naturang kasunduan.
Idinagdag ng kalihim na maaring hindi kinakailangang tawaging Visiting Forces Agreement o VFA ang iminungkahing kasunduan sa France.
