LEGAZPI CITY – Nagpautob nin regulasyon an Fertilizer and Pesticide Authority (FPA) Bicol manungod sa ilegal pagpabakal ki abono asin petisidyo online.
Segun kay FPA Bicol Regional Officer Gabriel Atole, nakipagolay na an saindang opisina sa mga bistong online shopping apps nganing mapagirumduman an mga paratinda na bago magpost kan mga siring produkto dapat maghagad muna ki permiso sa saindang opisina alagad pag-abot sa mga seller ibang social media platform arog kan facebook saiyang inadmitir na mapagal magsagibo ki pagmonitor asin pagkontrol sa kaparehong aktibidad.
Katakod an lakdang na ini, kan naglalakop na mga paratinda kaini online kun kaya sinda an nahahandal mantang tinawan-duon man ni Atole na konsideradong ilegal an pagpabakal kan mga siring na produkto pag wara ki lisensya sa irarom kan Presidential Decree No. 1144.
Mientrastanto, padagos an pagpagirumdom kan ahensya sa publiko orog na sa mga paraoma na saro hudong an petisidyo kaya dae magbakal kaini sa mga bako otorisadong kumpanya o indibidwal nganing dae malaag sa peligro an buhay nisay man.
