Sobra pa sa paglapas sa katungod ang gi-aprubahan nga resolusyon sa National Inter-Agency Task Force nga i-obliga ang mga on-site workers nga magpabakuna ug kung dili bakunado ipa-sumiter sa RT-PCR test result sa kaugalingon nila nga gasto ug pag-imposar sa no work no pay policy alang sa kadtong empleyado nga dili makatunga sa trabaho tungod unvaccinated.
Gibutyag ni Associated Labor Union-Trade Union Congress of the Philippines Northern Mindanao Regional Vice President Atty. Proculo Sarmen nga dili kini makatarunganon gumikan wala pay balaod nga magsuporta sa mandatory vaccination.
Dugang niini nga mamahimong makadagan ang labor group sa korte aron i-apela ang pagbawi sa maong resolusyon, apan kung ugaling gamiton ang gahom sa executive sa office of the president sa pag-implementar sa resolusyon, mabutang nga walay pulos ang panawagan. Hangyo ni Atty. Sarmen sa gobyerno nga respetuhan ang batakang katungod sa matag trabahante.
