Nagpatigayon sang pag-alokar sang pondo ang Uswag Partylist para sa programa sang Department of Labor and Employment (DOLE) nga DOLE-TUPAD sa banwa sang Jamindan Capiz.
Ini ang base sa ginhiwat nga orientation kag contract signing sang Public Employment Service Office (PESO) Jamindan kag DOLE-Capiz para sa 100 ka benepisyaryo.
Ang nasambit nga pondo ang gintinguhaan ni Congressman Jojo Ang sang Uswag Partylist.
Nagtambong sa ginhiwat nga sinapol si Mayor Mac Valdemar, Vice Mayor Aran Vestidas, SB Members kag DOLE – TUPAD Coordinators.
Sa nasambit nga programa, igabutang ang mga benepisyaryo sa ila tagsa ka barangay kag magatrabaho sang apat ka oras kada adlaw sa sulod sang 10 ka adlaw sa balor nga 450 pesos.
Mahibaluan nga pinaagi sa Uswag Partylist kag sang programa, mabuligan ang tagsa ka indibidwal agud nga makatrabaho kag maka income. | Judy Ann Juare
