Walay kamatuuran og dakong bakak ang nilugwan karong impormasyon sa matud pa pag-abli sa Davao Coastal Road sa bulan sa Nobyembre karong tuiga.
Kini human giklaro ni Dean Ortiz ang spokesperson sa Department of Public Works and Highways Davao region dihang nahinabi sa Brigada News Fm Davao nga fake news ang migula nga storya nga gipost sa Dvao Construction nga dunay caption nga “Davao Coastal Road is set to open this month or early November” human nga nag trending usab kini sa social media.
Sumala ni Ortiz nga wala pay gipagawas nga bulan ug petsa sa opening niini apan wala usab kini nibutyag kung kanus-a opisyal nga ablihan ang nahisgutan og posible matud pa nga sa tuig 2022 ma buksan ang maong proyekto.
Dugang ni Ortiz nga dako pa og trabahuon ang coastal road project og kasamtagan pa kini karon nga gi trabaho.
Nagpahimangno usab kini ngadto sa katawhan nga dili magpataka og post sa mga dili verified informaton aron dili makamugna og kalibog sa katawhan. BNFM-Davao
