NA-APEKTUHAN sa gilugwayan nga General Community Quarantine Status kon GCQ status sa Gensan ang gitakdang paboksing sa Sanman Promotions mao nga gibalhin sa Cebu ang away sa mga boksidor.
Sa kumpermasyon ni Boxing License Coach Cristino Laurente sa kasamtangan anaa sila sa Cebu nakakwarantina hantud sa 14 ka adlaw samtang nagapangandam sa umaabot nga away ni Pitt Laurente batok sa taga Cebu nga si Kim Lindo, undercard sila sa main event ni Dave Apolinario.
Sa karon anaa sa hotel nagabansay si Pitt Laurente samtang naka-sparring usab niini ang kanhi boksidor sa ALA promotions nga si Jeo Santisema ug maayo ang performance niini.
Gipaklaro ni Laurente nga nakasingit lang sila sa padula sa Sanman nga unta diri sa Gensan ipahigayon kaniadto pang Hulyo 2 apan gumikan nalugwayan ang GCQ Status sa syudad mao nga wala nahinayon ang padula sa Gensan gibalhin nalang ang venue sa Cebu ug himuon kini sa Hulyo 16, 2021.
Kahibaluan nga si Pitt Laurente usa sa mga iladong boksidor sa Gensan nga nakuha usab sa national team sa amateur boxing ug nagrepresenta sa nasud sa mga away gawas sa nasud. (Ever Diazon)
Photo: Dong Secuya
