MAGPAHIGAYON og political comeback ang partidong Achievement with Integrity Movement kun AIM. Kini ang gipadangat ni former Congresswoman ug former MinDa chair Lu Antonino kinsa gipaniguro nga dumalahan niini ang partido kauban sa mga batan-on indibidwal nga may maayong panglantaw sa GenSan.
Sukad 1987, nahimong lig-on gihapon ang partido ug gipaniguro ni Mrs.Antonino nga dili sila makig-alyansa ug andam sila nga mohatag og maayong laban bisan kon aminado kining magpatigbabaw gihapon ang money politics.
Sa mga mitalikod sa partido, gipasaylo na matud pa niini ug bisan nga sila nawad-an og miyembro, daghan pa ang gustong muuban sa ilang panon. Mas maayo ug mas dako nga AIM matud pa ang lauman sa mga katawhan tungod nagpabilin gihapon ang gitawag niining mga loyal sa partido. Bisan kon dili na mupapili, apan gipasalig ni Maam Lu nga motabang siya sa partido tungod gustong madugangan ang legasiya nga nahimo alang sa syudad ug silingang mga lugar.
