BICOL – SA OBHETONG dai na maging lugar kan mga rebelde siring man mamantiner an kauswagan asin katoninongan dagos dagos an paglalansar nin mga proyekto asin programa kan gobyerno sa mga ‘remote barangays’ sa nacion .
Sa Bicol, maabot sa ciento sisenta y cuatro na proyekto sa cuarenta y nueveng barangay sa rehiyon an ipiglansar sa irarom kan Support to Barangay Development Program (SBDP) ni Presidente Duterte.
Obheto kan programa na makapaghatod serbisyo asin masimbagan an pangangaipo kan mga residente tanganing dai na liwat maingganyar na sumabay sa makawalang grupo.
Pinunan an implementasyon sa banwaan kan Casiguran, Sorsogon kaining Hunyo bente tres asin bente kwatro roadshow kan mga proyekto asin an ceremonial turn-over kan pondong P980 milyon sa mga provincial kan Sorsogon, Masbate asin Camarines Norte.
Para sa otsentang proyekto, maako an lokal na govierno nin Masbate nin kinyentos milyon de pesos.
P320 milyon man para sa singkwenta y nueveng proyekto sa Sorsogon asin P160 milyon para man sa bente singkong proyekto sa Camarines Norte.
Sa irarom kan SBDP ng gobyerno, kada benepisyaryong barangay iyo an tatawanan nin tig P20 milion para sa saindang pangkauswagan na proyekto.
Kompwesto an mga proyekto nin otsenta y tres na farm-to-market roads, trenta y unong water and sanitation systems, dyes y sieteng health stations, katorseng rural electrification systems, pitong school buildings, pitong indigent assistance asin limang educational livelihood training.
Para man ki Sorsogon Governor Chiz Escudero, an SBDP iyo an sarong manipestasyon na aram kan govierno an mga pangangaipo kan tawo asin handing tagamahan nin atensyon asin oras an pagpapautob kaini.
Photo courtesy: Sorsogon Provincial Information Office
