GISUNOG sa Philippine Drug Enforcement Agency- Central Visayas (PDEA-7) ang mga nakumpiskar nga illegal nga drugas kagahapon, Oktubre 14, 2021.
Ang maong mga gipangsunog nga drugas gikan sa nagkadaiyang drug operations sa Central Visayas ug mibalor kini og kapin P62 million.
Gilangkuban kini sa kapin walo ka kilo sa shabu nga gibana-banang nagkantidad og P47 million; 177 grams sa marijuana nga adunay balor nga P20,000; 20,600 milliliters sa nalbuphine hydrochloride nga adunay kantidad nga P7,210,000.
Lakip usab sa gisunog nasakmit nga mga cocaine ug mga expired regulated drugs.
Nasayran gibutyag ni PDEA-7 Director Levi Ortiz nga kini ang ika-tulo nga higayon sa ilang pagsunog sa mga nakumpiskar nga illegall drugs karong tuiga diin gipahigayon gihapon kini sa crematorium sa Cosmopolitan Funeral Homes sa Junquera Street, sa dakbayan sa Sugbo.
