Kinasuhan eon it pag-eabag sa Republic Act 10591 o Illegal Possession of Fire Arms and ammunition ru suspek sa paghupot it illegal nga baril ag mga bala sa Brgy. Camanci Sur, Numancia, Aklan.
Nakilaea ru suspek nga si Joel Bernales, 43 anyos it nasambit nga lugar.
Kun matandaan, gin serbihan it search warrant ru suspek matapos maka kompiska it sangka 45 nga baril; sangka 38 nga revolver ; ag mga bala sa mismong npanimaeay it suspek.
Suno sa suspek, ru nadakpan nga mga baril hay gin prenda emanang kana it tag-ana nga sa makaron hay naga estar eon sa Manila.
Aminado man ru suspek nga uwa eon imaw it mahimo kundi atubadngon ru kaso dahil may nabuoe kana nga mga uwa’t lisenysang mga baril ag bala sa operasyon it Numancia Municipal Police Station.
Samtang, suno kay Camanci Sur Brgy. Capt Tique Villanueva, mayad mat-a nga tawo ru suspek.//MARIVIC Y. ILIN
