“The timing is rather unusual.” Kini ang nahimong pamahayag ni Engr. Manny Yaphuckon, negosyante ug kanhi presidente sa General Santos City Chamber of Commerce and Industry Incorporated sa P413 million nga major traffic ug CCTV project sa GenSan nga gidalian sa pagpatuman.
Segun ni Yaphuckon kinsa chairman of the board usab sa GenSan Water District nga nindot ang proyekto ug dako ang matabang sa syudad apan unta kaniadto pa kini gipatuman tungod dugay na usab niya kining nadunggan ug kung kaniadto napatuman, maka-save pa unta ang syudad.
Ang ‘timing’ matud pa sa pagpatuman niini ang makatingala bisan dili unta siya magbutang og malisya apan bisan kinsa ang makapangutana gayud nganong karon pa.
Highly technical matud pa ang maong proyekto ug dili lang presyo ang basehan apan ang kalidad sa gi-bid nga kagamitan ug uban pa alang sa major traffic ug CCTV synchronization.
