GILAOMAN sa probinsiya sa Sarangani ang pagsaka pa sa ihap sa tourist arrival dungan sa pagsugod na sa summer vacation. Matud ni April Marjorie Rudes, Provincial Tourism Officer, fully-booked na ang mga resort facility sa probinsiya gikan pagsugod sa summer.
Labi na sa Glan nga giila isip “Boracay of the South” tungod sa pure nga white-sand beaches, kini nahimong top tourist destinations sa Soccsksargen bag-o ang pandemya. Gawas sa water tubing sa Maitum, pipila ka bag-ong tourist spot ang naa karon sa probinsiya sama resort sa Alabel, asa sagad sa mga bikers ug taga siyudad ang nag-enjoy sa makahibulong nga deck view sa Sarangani Bay.
Nagadawat na usab karon ang probinsiya og ‘walk-in client’ rason nga gilaoman nila ang pagdagsa sa particular na local tourist. Pahinumdom pa ni Rudes, anaa pa sa alert level 2 ang probinsiya sa Sarangani sa COVID-19 situation hinungdan nga angayang hugot sundon ang health protocols.
Una nang, gibutyag ni Rudes nga misaka na sa 1,746,087 ang tourist arrival sa Sarangani niadtong 2021, taas kini itandi sa 1.6 milyon niadtong 2019 bag- o paman ang COVID-19. Kinahanglan lang ipakita sa mga checkpoints ang QR code o vaccination card sa pagsulod sa probinsiya. I Richel Gubalani
