Posibleng sugdan na sunod tuig ang pagpang-apod-apod og P3,000 cash assistance alang sa mga persons with disabilities nga nakarehistro dinhi sa Davao City.
Sigon kang City Councilor Wilfredo Al-ag, labaw sa committee on social service, kini sa higayon nga mapasa karong tuiga ang gidusong ordinansa sa iyang kumitiba nga gipahinungod alang sa gibana-banaang 15,000 ka PWD’s.
Ang maong kantidad ang dako na matud pa nga tabang alang kanila.
Kahibaluang una nang naaprubahan sa konseho ang ordinansa nga nagahatag sa mga qualified senior citizens og P1,500 annual pension niadtong November 2019 nga sugdan unta ang distribusyon sa milabayng Nobyembre 2020.
Apan tungod sa pandemya nadelatar ang paghatag sa ayuda alang sa mga katigulangan sa syudad samtang wala pay gipagawas nga abiso ang City LGU kung anus-a ipadayon ang distribusyon niini. BNFM-DAVAO
