LEGAZPI CITY – Sa karsel an bagsak kan 44 anyos na lalaki na ikinokonsiderar kan komo high-value individual makalihis ining maaarestar sa ikinondusir na drug buy-bust operation sa Brgy. Rawis, syudad kan Legazpi.
Binisto an suspek na si alyas Franz, may agom, asin residente kan #22, Brgy. Niyugan, Cabuyao, Laguna City.
Sa operasyon na ikinondusir kan Legazpi City Police Station asin Philippine Drug Enforcement Agency Bicol, nasamsam an nasa 55 gramo nin pinagtutubudang shabu na nagkakantidad ki labi P300,000.
Nasa kustodiya na ngunyan kan nasambit na hepatura an suspek pati an mga narekober na ebidensya para sa magkakanigong disposisyon asin imbestigasyon.
