Kapin P28.8M kantidad sa smuggled cigarrete ang nakumpiska sa mga sakop sa Bureau of Customs (BOC)-Port of Davao didto sa Davao International Container Terminal (DICT), Panabo City, Davao Del Norte sa milabayng Enero 18 kasamtangang tuig.
Sa report gikan sa BOC-Davao, ang maong mga kontrabando planong ipalusot sa mga merkado sa Davao Region ug ubang bahin sa Mindanao.
Una niini nakadawat og impormasyon ang BOC Intelligence Group kalabot sa maong shipment busa hugot ang gihimong physical inspection sa mga kargamento.
Unang gideklara ang 1,077 packages sa assorted items sa plastic washbasins, plastic chairs, drainer baskets, ug bond papers.
Apan nadiskrubrihan ang misdeclaration sa smuggled cigarettes hinungdan nga giisyuhan dayon og Warrant of Seizure and Detention ang con consignee nga Essafrank Consumer Goods Trading human misupak sa Customs Modernization and Tariff Act (CMTA).BNFM-DAVAO
