SORSOGON CITY – Magbibigay ang Pamahalaang Lalawigan ng Sorsogon ng insentibong nagkakahalaga ng P1M sa mangungunang 20 na barangay na magkakaroon ng pinakamataas na vaccination rate base sa kanilang populasyon.
Sa pahayag sa Brigada News ni Sorsogon Provincial Information Office (SPIO) head Salvador “Dong” Mendoza, sinabi nito na sinumang barangay na mauunang maabot ang target na bilang ng populasyon na mabakunahan kung hindi man 100% bago magtapos ang taon at agad na maisumite ito sa Provincial Government ay tiyak na makatatanggap ng nasabing halaga.
Samantala, sinabi ng opisyal na ang Rural Health Unit (RHU) na nakakasakop sa nasabing barangay ang magsasagawa ng assessment at magpapatunay nito.
Una rito, ang nasabing hakbang ay nakapaloob sa Section 11 ng Executive Order No. 29-2021 na inilabas ng Provincial Government.
