Tiniyak ng Malacanang na nairelease na sa mga ahensya ng gobyern ang lahat ng P165 bilyong pondo sa ilalim ng Bayanihan 2 law.
Ginawa ni presidential spokesperson Harry Roque ang pahayag bilang tugon sa puna ni Vice President Leni Robredo na bigo ang gobyerno na magamit ang mahigit P6 bilyong halaga ng Bayanihan 2 funds na nag-expire na noong June 30.
Ayon sa kalihim, binigyan ang mga government agencies ng hanggang July 15 para mag-report muli sa Department of Budget and Management (DBM).
Nanawagan si Roque sa pangalawang pangulo na hintayin muna ang report ng mga ahensya bago magbigay ng puna.
Una nang sinabi ni Roque na ang proposed P405 bilyong Bayanihan 3 na gagamitin para sa pagbangon ng ekonomiya at matulungan ang mga mahihirap na pamilya sa gitna ng COVID-19 pandemic ay dedepende kung magagamit ang mga pondo para sa Bayanihan 1 at 2.
